Relativistischer Impuls

Dr relatiwistischi Impuls $𝐩$ vom ene Däili mit dr Masse $m$ hängt in dr spezielle Relatiwidäätstheorii vo sinere Gschwindikäit $𝐯$ ab, aber die Relazioon isch nid linear

$𝐩=\gamma m𝐯=\frac{m𝐯}{\sqrt{1-\frac{{𝐯}^2}{c^2}}}.$

wo $\gamma$ dr Lorentzfaktor isch.

Dr Impuls in dr klassische Mechanik as Sonderfall vom relatiwistische Impuls

Für nit relativistischi Gschwindigkäite $(v\ll c)$ isch $\gamma$ braktisch gliich 1 und het kä Iifluss. So bechunnt mä für chliini Gschwindigkäite en Aanööcherig zum Impuls us dr klassische Mechanik

${𝐩}_{\text{Newton}}=m𝐯.$

Wenn e Chraft $𝐅$ im Lauf vo dr Zit uf e Däili en Impuls überdräit, so änderet sich dur daas si Impuls. Chraft isch s Überdrääge vo Impuls pro Zit,

$𝐅=\frac{\mathrm{d}𝐩}{\mathrm{d}t}.$

D Impulserhaltig

Bim Zämmebutsche und andere Wäggselwirkige vo Däili isch dr Impuls im ene gschlossnige Süsteem en additivi Erhaltigsgröössi: d Summe vo de Impuls vor dr Wäggselwirkig isch gliich grooss wie d Summe vo de Impuls nochhär.

Noch em Noether-Theorem ghöört zur Impulserhaltig, ass d Wirkig sümmetrisch isch, au wenn s im Ruum Verschiebige git.