Doppler-Effekt

Änderig vo dr Wällelengi dur e Doppler-Effekt

Änderig vo dr Wällelengi wenn sich d Kwelle vom Schall bewegt

Datei:Speeding-car-horn doppler effect sample.ogg Dr Doppler-Effekt (sälte dr Doppler-Fizeau-Effekt) isch wenn sich e Signal zitlig stuucht oder deent wääred dr Abstand zwüschen em Sänder und em Empfänger sich veränderet. D Ursach drfür isch dass sich d Laufzit änderet. Dä räin kinematischi Effekt drättet bi alle Signal uf, wo sich mit ere bestimmte Gschwindigkäit usbräite, bi elektromagnetische Wälle wie s Liecht isch s d Liechtgschwindikäit und bi Döön d Schallgschwindikäit. Wenn sich s Signal im ene Medium usbräitet wie zum Bischbil dr Schall in dr Luft, so muess mä dr Bewegigszuestand vo däm Medium berücksichtige.

Bi periodische Signal wird d Frekwänz wo beobachdet wird, hööcher oder niidriger. Wenn zum Bischbil en Ambulanz verbiifaart bedrifft das nid nume d Doonhööchi („iiiiuuuu“) sondern au d Wäggselfrekwänz vo dr Sirene. Wenn d Gschwindigkäit im Verheltnis zur Usbräitigsgschwindigkäit chlii isch, git daas Verheltnis au die relativi Frekwänzänderig $\mathrm{\Delta }f/f$ aa. Bim ene reflektierte Signal, wie bim Radar-Doppler und Ultraschall-Doppler, verdobblet sich mit dr Laufzit au d Doppler-Verschiebig $\mathrm{\Delta }f$.

Weblingg

• Fachaarbet über e Doppler-Effekt (PDF, 614 KiB) (abgrüeft am 17. Dezämber 2012)
• Bischbil für verschidnigi Gschwindigkäite vom ene Objekt (abgrüeft am 17. Dezämber 2012)