Joule
Vorlage:Infobox Physikalische Einheit
Joule [[[:Vorlage:IPA]]] isch im Internazionaale Äihäitesüsteem (SI) d Maassäihäit vo dr Energii. Si isch noch em James Prescott Joule benennt und wird hüte as Äihäit für alli Energiiforme brucht, also au für d Aarbet und Wermimängi.[1]
Definizioon
S Joule isch d Aarbet, wo verrichdet wird, wenn d Chraft vo äim Newton über e Strecki vo äim Meter aagwändet wird.[2] Es isch d Energii, wo bin ere Läistig vo äim Watt in äinere Sekunde umgsetzt wird. Es gältet:
Bischbil us em Alldaag
E Joule isch d Energii, wo brucht wird, zum:
- e Körper mit dr Gwichtschraft vo 1 Newton – das entspricht ere Masse vo öbbe 0,102 Kilogramm wie öbbe ere Daafele Schoggi – äi Meter uflüpfe (1 Newtonmeter) oder
- e Körper mit dr Masse 2 Kilogramm, wo sich nid bewegt, uf e Gschwindikäit vo 1 m/s z beschlüünige oder
- äi Sekunde lang d Läistig vo äim Watt – das isch öbbe d Läistig vom e menschlige Härz – z löiste (1 Wattsekunde) oder
- bin ere elektrische Spannig vo äim Volt äi Sekunde lange en elektrische Stroom vo äim Ampere fliesse loo (1 Voltamperesekunde) oder
- äi Gramm Wasser um öbbe 0,239 Graad ufwerme.
Wenn mä Näärwärt aagit, wärde Kilojoule (kJ) – bezooge uf 100 g, 100 ml oder 1 Porzioon – brucht, für zum dr phüsioloogisch Brennwärt aagee.[3]
Ussprooch
S Wort „Joule“ wird underschiidlig usgsproche: Im dütsche Sproochruum wird d Ussprooch [[[:Vorlage:IPA]]] brucht, woorschinlig het dr James Prescott Joule si Naame au eso gsäit.[4]
Kwelle
Dr Ardikel «Joule» uf dr dütsche Wikipedia
Fuessnoote
- ↑ Vorlage:Internetquelle
- ↑ CIPM, 1946, Resolution 2, Definitions of electric units. Uf: bipm.org.
- ↑ Vorlage:EU-Richtlinie.
- ↑ Zitat (Oxford English Dictionary): Although some people of this name call themselves dʒaʊl, and others dʒəʊl, it is almost certain that J. P. Joule (and at least some of his relatives) used dʒuːl.