Myon

Vorlage:Infobox Teilchen S Myon (uf Änglisch Muon) isch en Elementardäili, wo em Elektron äänelet, aber e Masse het, wo öbbe 200 mol gröösser isch (105,6 MeV/c² statt 0,511 MeV/c²). Wie s Elektron isch s mit ere Elementarlaadig negativ glaade und het e halbzaalige Spin. Uf bäidi würkt die elektroschwachi aber nit die starki Wäggselwirkig. S Formlesümbol vom Myon isch ${\mu }^{-}$.

Im Standardmodäll si s Elektron und s Myon verwandti Däili. Bäidi ghööre zur Klass vo de Leptone, nume dass das s Elektron zur erste vo de drei Familie ghöört und s Myon zur zwäite. S entsprächende Däili us dr dritte Familie, s τ-Lepton, isch au scho gfunde worde. S Antidäili vom Myon, s positive Myon oder Antimyon ${\mu }^{+}$, isch wie s Positron äifach positiv glaade.

D Myone si 1936 vom Carl D. Anderson und Seth Neddermeyer entdeggt worde, wo si die kosmischi Straalig undersuecht häi. Mit Hoochenergii-Däilibeschlüüniger cha mä sä kunstlig erzüüge.

Bis in d 1960er Joor het men em Myon My-Meson gsäit; „Meson“ het denn äifach e „Däili mit ere Masse zwüschen em Elektron und Proton“ bedütet.

Weblingg

• Video us Vorlääsigen vo dr Universidäät Tübinge über d Zitdilatazion und u. a. über s Myon
• (EN) Integrated Infrastructure Initiative for Neutron Scattering and Muon Spectroscopy (NMI3) - a European consortium of 18 partner organisations from 12 countries, including all major facilities in the fields of neutron scattering and muon spectroscopy