Schwarzpulver

Schwarzbulverchörner

Schwarzbulver isch dr ersti Explosivstoff gsi, wo as Schiessbulver für Driiblaadige vo Schusswaffe verwändet worde isch. As Sprängbulver isch s e Sprängmiddel. Hüte wird s as Chorn- und Määlbulver hauptsächlig in dr Pyrotechnik und bsundrigs für Füürwärk verwändet.

Zämmesetzig

Schwarzbulver isch e pürotechnischi Mischig, wo us Kaliumnitrat (Kalisalpeter), Holzchoole, wo früener vor allem us em Holz vom Fuulbaum gmacht worde isch, und Schwääfel bestoot. Die durchschnittligi Zämmesetzig isch 75 % Salpeter (Kaliumnitrat), 10 % Schwääfel und 15 % Holzchoole, aber je noch däm für was es brucht wird, cha d Zämmesetzig e chli andersch si.

Dr Salpeter liiferet dr Suurstoff, s Choolebulver isch dr Brennstoff und dr Schwääfel isch Brennstoff und Sensibilisierer, für dass d Schwarzbulvermischig sofort foot afo brenne, au wenn nume en äinzige Funke uf sä fallt.

Härstellig

D Bestanddäil wärde meereri Stunde lang in ere Bulvermüüli fiin vermaalt und gliichmäässig vermischt. Denn wird s Gmisch füecht gmacht und in d Form vom ene Chueche brässt. Mä loot en lo dröchne, duet en no äinisch vermaale und bewaart s Bulver denn as Chörner oder as Määlbulver uf. Je noch dr Gröössi vo de Chörner verbrennt s Bulver underschiidlig schnäll.

Die chemischi Reakzion bim Verbrenne

Veräifacht bassiert daas:

$\mathrm{1}\mathrm{6}\mathrm{C}\mathrm{+}\mathrm{4}\mathrm{S}\mathrm{+}\mathrm{1}\mathrm{0}\mathrm{K}\mathrm{N}{\mathrm{O}}_{\mathrm{3}}\mathrm{\to }\mathrm{1}\mathrm{5}\mathrm{C}\mathrm{O}\mathrm{+}{\mathrm{K}}_{\mathrm{2}}\mathrm{C}{\mathrm{O}}_{\mathrm{3}}\mathrm{+}\mathrm{4}{\mathrm{K}}_{\mathrm{2}}\mathrm{S}{\mathrm{O}}_{\mathrm{3}}\mathrm{+}\mathrm{5}{\mathrm{N}}_{\mathrm{2}}$

Bim Verbrenne vo Schwarzbulver entstöön also Choolemonoxid, Kaliumcarbonat, Kaliumsulfit und Stickstoff. Was mit de Wasserräst im Bulver bassiert, wird in dere Formle nid berücksichdiget.

Litratuur

• Vorlage:Literatur
• Vorlage:Literatur
• Vorlage:Literatur
• Vorlage:Literatur
• Fritz Seel: Geschichte und Chemie des Schwarzpulvers. Le charbon fait la poudre in Chemie in unserer Zeit 22 (1988), 9–16. Vorlage:DOI

Weblingg

• Vorlage:Internetquelle
• Vorlage:Internetquelle
• Vorlage:Internetquelle
• Vorlage:Internetquelle
• Vorlage:Internetquelle
• Eric Hansen: Castles of the Fields. auf saudiaramcoworld (änglisch)

Fuessnoote

Vorlage:Übersetzungshinweis Vorlage:Normdaten