Ungleichung

En Ungliichig isch wie d Gliichig en Ussag, wo zwei Term vergliicht. Während bi dr Gliichig die beide Terme dr gliich Wärt hai, isch bin ere Ungliichig eine vo de Terme chliiner beziehigswiis chliiner-gliich em andere.

Symbolisch schribt mä das mit Verheltniszeiche:

• $a<b$ bedütet $a$ isch chliiner als $b$
• $a>b$ bedütet $a$ isch grösser als $b$
• $a\le b$ bedütet $a$ isch chliiner oder gliich $b$
• $a\ge b$ bedütet $a$ isch grösser oder gliich $b$
• $a\ne b$ bedütet $a$ isch nid gliich $b$ )

Wenn d Ussag von ere Ungliichig für alli Wärt, wo si definiert isch drfür, die gliichi isch (z. B. $n>-1$ für $n$ us $\mathbb{N}$), heisst d Ungliichig absolut oder unbedingt. Gältet d Ungliichig nume für e baar Wärt vo de verwändete Variable, wird aber für anderi Wärt umkehrt oder isch ungültig, so heisst si bedingt.

Sobald in ere mathematische Ungliichig d Betragsfunktion enthalten isch, redet mä von ere Betragsungliichig.

Ungliichige chönne e Ordnigsrelation definiere, wo d Elimänt von ere Mängi mit enander vergliicht.